Mabingwa watetezi wa Ligi ya Mabingwa Ulaya, Paris Saint-Germain (PSG), wamefanikiwa kutinga fainali ya michuano hiyo kwa mara ya pili mfululizo baada ya kuiondosha Bayern Munich kwa ushindi wa jumla wa mabao 6-5 katika hatua ya nusu fainali.
Katika mchezo wa marudiano uliopigwa usiku wa kuamkia leo, PSG walitoka sare ya 1-1 dhidi ya Bayern Munich, matokeo yaliyowatosha kufuzu kutokana na ushindi walioupata kwenye mchezo wa kwanza.
Ousmane Dembele aliipa PSG bao la mapema dakika ya 3 akimalizia pasi ya Khvicha Kvaratskhelia, kabla ya Harry Kane kuisawazishia Bayern Munich dakika ya 90+4.
Kwa ushindi huo wa jumla wa mabao 6-5, PSG sasa watakutana na Arsenal kwenye mchezo wa fainali utakaochezwa Jumamosi, Mei 30, 2026 katika dimba la Puskás Aréna mjini Budapest, Hungary.
Arsenal wamefuzu hatua hiyo baada ya kuonyesha kiwango bora katika michuano ya msimu huu huku PSG wakisaka kutetea ubingwa wao wa Ulaya.
