Timu ya Taifa ya Wales imepata pigo kubwa baada ya wachezaji wake watatu muhimu, Harry Wilson, Nathan Broadhead na kipa Karl Darlow, kujiondoa kikosini kutokana na majeraha waliyoyapata kabla ya kuanza kwa kampeni yao ya Ligi ya Mataifa ya UEFA.
Kocha Mkuu wa Wales, Craig Bellamy, amewaita wachezaji wengine watatu kuchukua nafasi za wachezaji hao walioondoka kutokana na majeraha, ili kuziba mapengo yaliyopo kwenye kikosi.
Miongoni mwa wachezaji walioitwa ni kipa wa Leicester City, David Cornell, pamoja na mshambuliaji wa Huddersfield Town, Joe Taylor.
Wachezaji hao wawili waliwahi kuitwa kwenye kikosi cha Taifa la Wales, lakini hawajawahi kuchezea timu hiyo katika mechi rasmi, hivyo mwaliko huo unawapa nafasi ya kuanza kuonyesha uwezo wao katika ngazi ya kimataifa.
Hata hivyo, Wales inakabiliwa na ratiba ngumu katika mechi zake za ufunguzi wa kundi, ikianza kampeni yake Alhamisi hii dhidi ya Ureno mjini Lisbon.
Baada ya mchezo huo, Wales itasafiri kuelekea Denmark, ambapo itakutana na wenyeji hao mjini Copenhagen Jumapili ijayo.
