Manchester City imeonyesha upinzani wake kwenye mbio za ubingwa baada ya kuibuka na ushindi wa 3-2 dhidi ya Leeds United katika Uwanja wa Etihad, na kupanda hadi nafasi ya pili kwenye msimamo wa Ligi Kuu England.
Kwa ushindi huo, City imefikisha pointi 25 baada ya mechi 12, ikiendeleza presha kwa vinara wa ligi.
Mchezo ulianza kwa kasi kubwa, ambapo Phil Foden alifungua ukurasa wa mabao ndani ya sekunde za mwanzo, akifunga dakika ya 1.
Josko Gvardiol aliiongezea City bao la pili dakika ya 25, kabla Foden kukamilisha usiku wake kwa kufunga bao la tatu dakika ya 90+1.
Leeds hawakurudi mikono mitupu, wakipunguza tofauti kupitia Dominic Calvert-Lewin dakika ya 49, na baadaye Nmecha dakika ya 68, lakini juhudi zao hazikutosha kuondoa City na alama zote tatu.
Matokeo Kamili
FT: Man City 3–2 Leeds United
⚽ 01’ Foden
⚽ 25’ Gvardiol
⚽ 90+1’ Foden
⚽ 49’ Calvert-Lewin
⚽ 68’ Nmecha
