Msanii mkongwe wa muziki wa Bongo Fleva nchini Tanzania, Z Anto, amerejea tena kwenye anga la muziki baada ya kukaa kwa muda mrefu nje ya shughuli za muziki, safari hii akiwa amewaletea mashabiki video mpya ya wimbo wake maarufu “Mpenzi Jini.”
Rejeo la Z Anto limekuwa gumzo miongoni mwa mashabiki wa muziki wa kizazi cha nyuma, kutokana na historia yake katika Bongo Fleva na namna wimbo wa “Mpenzi Jini” ulivyowahi kutamba na kumjengea jina kubwa katika tasnia ya muziki Tanzania.
Baada ya miaka kadhaa kupita bila kumuona Z Anto akifanya kazi kwa kiwango kile alichokuwa akifanya kipindi cha nyuma, msanii huyo sasa ameamua kuwakumbusha mashabiki wake historia yake kupitia video mpya ya “Mpenzi Jini,” hatua inayomrudisha tena kwenye mjadala wa muziki wa Tanzania.
Z Anto ni miongoni mwa wasanii waliokuwa na nafasi muhimu katika kizazi cha awali cha Bongo Fleva.Kupitia nyimbo zake, aliweza kujenga mashabiki wengi na kutengeneza kumbukumbu ambazo bado zinaendelea kukumbukwa na mashabiki wa muziki wa Tanzania.
Wimbo “Mpenzi Jini” ni moja ya kazi zilizohusishwa kwa karibu na safari yake ya mafanikio, huku jina la Z Anto likibaki kwenye kumbukumbu za mashabiki waliokuwa wakifuatilia kwa karibu muziki wa Bongo Fleva katika miaka hiyo.
Ujio wa video hii mpya umefanya mashabiki wengi kurejea kwenye kumbukumbu za enzi za muziki wa zamani, huku baadhi wakimkaribisha tena Z Anto baada ya kipindi kirefu cha kutokuwa na uwepo mkubwa kwenye muziki.
Kwa Z Anto, kurejea kwake hakujawa tu suala la kuachia video, bali pia ni fursa ya kuwakumbusha mashabiki nafasi aliyowahi kuwa nayo katika historia ya Bongo Fleva na kuonyesha kuwa bado ana hamu ya kuendelea kushiriki katika muziki.
Video hiyo mpya sasa inapatikana kwa mashabiki, huku macho na masikio ya wapenzi wa Bongo Fleva yakielekezwa kuona hatua nyingine atakazochukua Z Anto baada ya kurejea kwake.
Na ashura karimu
