Amsterdam, Agosti 20, 2026 — Mashindano ya Kombe la Dunia la Hockey ya Wanawake yanaendelea nchini Uholanzi na Ubelgiji, huku timu mbalimbali zikisaka nafasi ya kusonga mbele katika hatua inayofuata ya mashindano.
Leo, Alhamisi, Agosti 20, ratiba imejumuisha michezo kadhaa muhimu. Miongoni mwao ni China dhidi ya Afrika Kusini pamoja na New Zealand dhidi ya Spain.
Mashindano hayo yamewakutanisha jumla ya timu 16 za wanawake kutoka sehemu mbalimbali duniani. Michuano hiyo ilianza Agosti 15 na inatarajiwa kuendelea hadi Agosti 30. Mechi za wanawake zinachezwa katika Wagener Stadion, Amstelveen nchini Uholanzi.
Timu ya Spain inaingia kwenye mchezo wake dhidi ya New Zealand ikiwa na matumaini ya kupata ushindi utakaosaidia safari yake kuelekea hatua inayofuata, wakati New Zealand ikisaka matokeo mazuri baada ya kuanza vibaya kwenye mashindano.
Kwa upande mwingine, mchezo kati ya China na Afrika Kusini ni miongoni mwa michezo inayovuta hisia kutokana na umuhimu wake katika msimamo wa kundi.
Mashindano haya yanaendelea kuwa jukwaa muhimu kwa wanawake katika mchezo wa hockey, huku timu zikichuana kuwania nafasi ya kutwaa ubingwa wa dunia.
Stori na Tereza Muga – GPL /TUDACO
