Mabingwa watetezi wa Ligi Kuu Tanzania Bara, Yanga leo Juni 18, 2026 wamerejea kileleni mwa msimamo wa ligi baada ya kuibuka na ushindi wa mabao 2-0 dhidi ya Fountain Gate FC katika mchezo uliochezwa kwenye Uwanja wa Sheikh Amri Abeid Stadium jijini Arusha.
Mabao ya Yanga yalifungwa ndani ya dakika mbili pekee kipindi cha pili, ambapo kiungo mshambuliaji Pacome Zouzoua alifungua ukurasa wa mabao dakika ya 53 kabla ya mshambuliaji Aurelio Depu kuongeza bao la pili dakika ya 55 na kuihakikishia timu yake pointi tatu muhimu.
Ushindi huo umeifanya Yanga kufikisha pointi 66 baada ya kucheza mechi 27 na kurejea kileleni mwa msimamo wa NBC Premier League, ikiizidi Simba SC kwa pointi mbili.
Msimamo wa Juu
Yanga SC — Mechi 27 — Pointi 66
Simba SC — Mechi 27 — Pointi 64
Katika michezo mingine ya ligi iliyochezwa leo:
- JKT Tanzania 0-1 Tanzania Prisons
- Pamba Jiji FC 4-0 Mtibwa Sugar
