BAADA ya kuvuna pointi tatu kwenye mchezo wao wa ligi dhidi ya Mbeya City kwa ushindi wa bao 1-0, hesabu za Klabu ya Azam FC ni kwenye mchezo wao ujao dhidi ya Tanzania Prisons.
Septemba 14, kikosi cha Azam FC kilirejea Dar na Ijumaa kilianza mazoezi kwa ajili ya mchezo wao ujao dhidi ya Prisons unaotarajiwa kuchezwa Uwanja wa Sokoine, Mbeya Septemba 30.
Kali Ongala, kocha wa makipa Azam FC amesema kuwa wanatambua kila mchezo ni mgumu jambo linalowafanya wajipange kupata matokeo.
“Tunatambua kwamba tuna mechi za ugenini dhidi ya Tanzania Prisons, maandalizi ambayo tutayafanya tuna amini yatatupa matokeo, kila idara tunahitaji iwe imara zaidi.
“Kila mchezo ni mgumu kwani timu zote zimejipanga kushinda, ambacho tunakifanya ni kuboresha yale makosa kwenye kila mchezo ili kuwa imara kwa mechi zinazokuja.
Prisons mchezo wao wa ligi uliopita wakiwa nyumbani walipoteza kwa kufungwa bao 1-0 dhidi ya Simba, Uwanja wa Sokoine..
