Manchester United wanaingia katika mchezo dhidi ya Liverpool wakiwa na kumbukumbu ya kuvutia kuhusu makocha wao waliowahi kuiongoza timu hiyo tangu kuondoka kwa Sir Alex Ferguson, ambapo baadhi yao wamefanikiwa kupata ushindi katika mchezo wao wa kwanza dhidi ya wapinzani hao wakubwa.
Kwa mujibu wa takwimu zilizo kwenye picha, Manchester United imekuwa na matokeo tofauti katika michezo ya kwanza ya makocha wake dhidi ya Liverpool, huku Mauricio Pochettino akiwa na nafasi ya kuendeleza rekodi hiyo katika mchezo unaotarajiwa kuchezwa Jumapili, Novemba 22, 2026, saa 4:30 usiku kwa saa za Tanzania.
Katika orodha hiyo, David Moyes ndiye aliyekuwa wa kwanza kukutana na Liverpool baada ya Ferguson kuondoka, Septemba 2013, lakini akapoteza kwa bao 1-0. Louis van Gaal alirejesha matumaini Desemba 2014 baada ya kuiongoza United kupata ushindi wa mabao 3-0 dhidi ya Liverpool.
José Mourinho alitoka sare ya 0-0 Oktoba 2017, huku Ole Gunnar Solskjaer naye akitoka sare kama hiyo Februari 2019. Ralf Rangnick alipata kipigo kikubwa cha mabao 4-0 Aprili 2022 kabla ya Erik ten Hag kuibuka na ushindi wa mabao 2-1 Agosti 2022.
Ruben Amorim alitoka sare ya mabao 2-2 Januari 2025, huku Michael Carrick akiandika ushindi wa mabao 3-2 Mei 2026, matokeo yaliyomfanya kuwa kocha wa tatu wa Manchester United kwenye orodha hiyo kushinda mchezo wake wa kwanza dhidi ya Liverpool tangu Ferguson aondoke.
Sasa macho yote yanaelekezwa kwa Mauricio Pochettino, ambaye anatarajiwa kuiongoza Manchester United kwa mara ya kwanza dhidi ya Liverpool katika mchezo wa Jumapili, Novemba 22, utakaopigwa Uwanja wa Anfield.
Pochettino anahitaji ushindi ili kuwa kocha wa nne wa United kwenye orodha hiyo kuanza kwa ushindi dhidi ya Liverpool.
Mchezo huo unatarajiwa kuanza saa 4:30 usiku kwa saa za Uingereza, sawa na saa 7:30 usiku kwa saa za Afrika Mashariki.
Je, Pochettino ataendeleza rekodi hiyo au Liverpool itamharibia mwanzo wake Manchester United?
