Uongozi wa Klabu ya Simba SC umetangaza rasmi kuachana na Meneja Mkuu, Dimitar Pantev, baada ya kufikia makubaliano ya pande zote mbili kusitisha mkataba. Aidha, wasaidizi wake wawili nao wameondoka pamoja naye katika hatua hiyo ya mabadiliko ya kiufundi.
Kwa mujibu wa taarifa ya klabu, majukumu ya kuisimamia timu kwa sasa yamekabidhiwa kwa Kocha Selemani Matola, ambaye atakaimu nafasi hiyo wakati mchakato wa kumpata kocha mpya ukiendelea.
Mabadiliko haya yanakuja kipindi ambacho Simba inaendelea na maandalizi ya michezo yake ya Ligi Kuu Tanzania Bara pamoja na mashindano ya kimataifa, huku ikilenga kurekebisha mwenendo na kuongeza ushindani katika hatua zilizosalia za msimu.
