SIMBA KURUDI DAR

BAADA ya kupoteza katika mchezo wa hatua ya makundi dhidi ya Horoya ya Guinea Kwa kutunguliwa 1-0 msafara wa kikosi cha Simba unatarajiwa kurejea leo Dar.

Ni mastaa 24 ikiwa ni makipa watatu Aishi Manula, Beno Kakolanya na Ally Salim kwa upande wa mabeki ni Shomari Kapombe, Israel Mwenda, Gadiel Michael, Mohamed Hussein, Henock Inonga, Joash Onyango, Erasto Nyoni, Kennedy Juma na Mohamed Outtara.

Viungo ni Ismail Sawadogo, Sadio Kanoute, Mzamiru Yassin, Nassoro Kapama, Clatous Chama, Pape Sakho na Kibu Dennis.

Washambuliaji ni John Bocco, Moses Phiri, Jean Baleke, Habib Kyombo na Mohamed Mussa.

Mchezo ujao kwa Simba ni dhidi ya Raja Casablanca ya Morroco unatarajiwa kuchezwa February 18,Uwanja wa Mkapa.

Kwa mujibu wa Meneja wa Idara ya Habari na Mawasiliano Simba, Ahmed Ally amesema kuwa wanatambua mchezo ujao utakuwa mgumu lakini wapo tayari kupambana kupata matokeo.

Kauli mbiu ambayo wanakwenda nayo kuelekea mchezo huo unaotarajiwa kuwa na ushindani mkubwa kutokana na ubora wa Raja inasema mwendo ni uleule, kwa Mkapa hatoki mtu.