Klabu ya Singida Black Stars imemsimamisha kazi kiungo wake Khalid Aucho, raia wa Uganda, kwa kipindi cha miezi mitatu kutokana na utovu wa nidhamu na utoro kazini. Uamuzi huu ulitolewa leo, Februari 27, 2026, na Kamati ya Nidhamu ya klabu.
Aidha, klabu hiyo imemsimamisha kazi golikipa Amas Obasogie pia kwa miezi mitatu, ili kupisha uchunguzi wa tuhuma za upangaji wa matokeo.
Singida Black Stars imewakumbusha wachezaji na watumishi wake wote kuzingatia nidhamu, uwajibikaji, na heshima kwa klabu.
Akijibu hatua hiyo, Khalid Aucho alisema:
*”Nimekuwa nikijitawala kwa taaluma katika maisha yangu yote ya kazi, nikiheshimu klabu zote nilizowakilisha kwa heshima na nidhamu. Katika miaka yangu yote ya soka, sijawahi kuhusika katika tatizo lolote la ukosefu wa nidhamu kwa sababu ninaelewa wajibu unaokuja na kuwa mchezaji wa kitaalamu.
Kwa mashabiki wangu wapendwa ambao kila mara mmekuwa nami: hali hii itapita. Nawashukuru sana kwa msaada wenu endelevu na kuendelea kuniamini.”*
