KALI Ongala, Kocha wa Washambuliaji ndani ya Azam FC amesema kuwa wamefanya maandalizi mazuri kwa ajili ya mchezo wao wa ligi dhidi ya Simba
Kesho Azam FC ikiwa imetoka kupoteza kwa kufungwa mabao 2-1 dhidi ya KMC itakabiliana na Simba, Uwanja wa Mkapa.
Ongala amesema anatambua uimara wa Simba nao wanawaheshimu hivyo watawakabili kwa tahadhari.
“Tunajua kwamba Simba ni timu kubwa na ina wachezaji wazuri nasi pia tunakwenda kukabiliana nao kwa umakini ili kupata pointi tatu.
“Kila mchezaji anajua kwamba umuhimu wa kupata ushindi ni lazima watimize majukumu yao nasi tupo tayari kuona tunaleta ushindani kwenye mchezo wetu,” amesema.
