Arsenal wanakaribia kumsajili mshambuliaji wa Brazil Raphinha kutoka Leeds United, huku nia ya Barcelona kumnunua mchezaji huyo wa miaka 25 ikiwa imepungua. (Goal – in Spanish)
Chelsea wameungana na Tottenham kutaka kumsajili mshambuliaji wa Brazil Richarlison kutoka Everton, ambao wanataka zaidi ya £50m kwa mchezaji huyo mwenye umri wa miaka 25. (Mail)
Marina Granovskaia, ambaye alichukua jukumu la uhamisho wa wachezaji katika kilabu ya Chelsea chini ya mmiliki wa zamani wa The Blues Roman Abramovich, anakaribia kuondoka katika klabu hiyo. (Guardian)
West Ham wanatazamiwa kutoa takriban pauni milioni 30 kwa mshambuliaji wa Chelsea na Albania Armando Broja, 20, ambaye alicheza kwa mkopo Southampton msimu uliopita. (Sky Sports)
Tottenham waliwasiliana na kambi ya mchezaji wa Denmark Christian Eriksen wiki chache zilizopita lakini hawajafuatilia nia ya mchezaji wao wa zamani mwenye umri wa miaka 30, ambaye alitumia kipindi cha pili cha msimu uliopita huko Brentford. Football London)
Meneja mpya wa Manchester United Erik ten Hag ameiambia klabu hiyo kuwa anataka kuwasajili Eriksen na kiungo wa kati wa Barcelona na Uholanzi Frenkie de Jong, 25. (Goal)
Manchester United imekuwa na ofa ya pauni milioni 55 kwa mshambuliaji wa Brazil Evanilson iliyokataliwa na Porto lakini klabu hiyo ya Old Trafford inapanga kutoa ofa mpya kwa mchezaji huyo mwenye umri wa miaka 22. . (O Jogo, via Mail)
Meneja wa Manchester City Pep Guardiola anasema anataka kiungo wa kati wa Ureno Bernardo Silva, 27, ambaye amekuwa akihusishwa na Barcelona, kusalia na mabingwa hao wa Ligi ya Premia lakini akaongeza kuwa hapendi kuwaweka wachezaji “wasio na furaha” katika klabu hiyo. (Metro)
Baada ya kushindwa kumsajili mlinzi Mholanzi Jurrien Timber mwenye umri wa miaka 21, Manchester United inaweza kuchukua hatua ya kumsajili mchezaji mwenzake wa Ajax Lisandro Martinez. Beki huyo wa kati wa Argentina mwenye umri wa miaka 24 pia analengwa na Arsenal. (Mirror)
Aston Villa wako tayari kusikiliza ofa kwa kiungo wa kati wa Scotland John McGinn, 27, msimu huu wa joto. (Football Insider)
Winga wa Misri Trezeguet, 27, anakaribia kuondoka Aston Villa na kujiunga na Trabzonspor ya Uturuki kwa takriban £3m. (Mail)
Kocha wa Nottingham Forest Steve Cooper, ambaye alikiongoza kikosi chake kupanda Ligi Kuu msimu uliopita, yuko mbioni kusaini mkataba mpya wa muda mrefu na klabu hiyo. (Nottinghamshire Live)
Forest wapo kwenye mazungumzo ya juu zaidi ya kumsajili mshambuliaji wa Nigeria Taiwo Awoniyi, 24, kwa dau la £17.5m kutoka kwa Union Berlin ya Ujerumani. (Telegraph – subscription required)
Kiungo wa kati wa Denmark Pierre-Emile Hojberg amekuwa akihusishwa na kutaka kuondoka Tottenham lakini Spurs hawana nia ya kumuuza mchezaji huyo mwenye umri wa miaka 26. . (Football London)
