STAA Raheem Sterling (27) ameandika ujumbe maalum wa kuwaaga mashabiki wa Manchester City muda mfupi kabla ya kukamilisha uhamisho wake wa kujiunga na Klabu ya Chelsea ya Uingereza.
Katika ujumbe wake Sterling amewashukuru mashabiki na timu ya Manchester City pamoja na bechi la ufundi kwa ujumla kutokana na namna walivyokuwa naye katika nyakati nzuri na nyakati ngumu klabuni hapo.
Akiwa na Manchester City Raheem Sterling amefanikiwa kucheza jumla ya michezo 339 akifanikiwa kufunga jumla ya mabao 131 na akitoa pasi 95 za mabao huku akifanikiwa kutwaa mataji 10.
Jumatano nyota huyo ametambulishwa rasmi ndani ya Chelsea na kujiunga nayo kwenye maandalizi ya msimu ujao wa 2022/23 nchini Marekani.
Baada ya kujiunga na timu hiyo amesema kuwa ni jambo zuri kwake na amefurahi kuwa hapo.
