MOHAMED Hussen Zimbwe Jr nahodha wa Simba chaguo la kwanza la Kocha Mkuu Fadlu Davids ngoma bado ni nzito kwake kwenye ishu ya kuongeza mkataba mpya na amebainisha kuwa ikitokea ofa anaweza kuondoka kwenda nje kupata changamoto mpya.
Inatajwa kuwa kwa sasa mabosi wa timu hiyo hesabu kubwa ni kwenye mechi zilizopo mbele yao ikiwa ni zile za ligi pamoja na Kombe la Shirikisho Afrika baada ya kutinga hatua ya robo fainali wakiwa wanaongoza kundi A na pointi zao ni 13 kibindoni baada ya kucheza mechi 6.
Mkataba wa Zimbwe unatajwa kugota mwisho msimu utakapoisha huku zikitajwa baadhi ya timu kuwania saini ya nyota huyo ambazo zilileta ofa huku beki huyo akizigomea na kuendelea kuwa ndani ya kikosi cha Simba ambacho kinanolewa na Kocha Mkuu, Fadlu Davids.
Hivi karibuni Zimbwe aliweka wazi kuwa hakuna timu ambayo alipangua ofa yake labda kutakuwa na sababu ambazo zilisababisha akashindwa kuondoka kwenye upande wa ofa ila ikitokea anaweza kuondoka,
“Sijawahi kupangua ofa labda ofa zilikuwa ndogo ambazo zimekuja lakini ninaamini kwamba wakati wa Mungu ni wakati sahihi na ikifika labda timu makubaliano yamekuwa mazuri na Simba ni watu waungwana.”
Imeandikwa na Lunyamadzo Mlyuka, Mtunzi kitabu cha Ganzi ya Maumivu Kwenye Upendo, kukipata TUNAOMBA ODA 0756 028 371. Ni simulizi inayozungumzia maisha ya Kiafrika, usaliti, visa, furaha. Wakazi wa Njombe kitabu kinapatikana Mtaa wa Mpechi kwa Chris Jabari, Kigamboni kwa Tupokigwe, Posta karibu na Mnara wa Askari ukiwa unaelekea chuo cha IFM.
