MASHINE ya Kijerumani, Kocha Mkuu wa Yanga, Sead Ramovi hapoi na hesabu zimeanza kuelekea mchezo wa Ligi Kuu Bara dhidi ya Kagera Sugar ambao unatarajiwa kuchezwa Uwanja wa KMC, Complex, Februari Mosi 2025.
Mchezo uliopita ulikuwa ni wa CRDB Federation Cup ambapo baada ya dakika 90 ubao ulisoma Yanga 5-0 Copco huku ingizo jipya Israel Mwenda akiandika rekodi ya kutoa pasi mbili kwenye mchezo huo.
Kocha huyo ana tuzo ya kocha bora ndani ya Desemba 2024 baada ya kufanya kazi kubwa kwenye mechi nne mfululizo ambazo Yanga ilishuka uwanjani katika ligi namba nne kwa ubora.
Yanga ilipata ushindi kwenye mchezo dhidi ya Tanzania Prisons ubao wa Uwanja wa KMC Complex uliposoma Yanga 4-0 Tanzania Prisons, Dodoma Jiji 0-4 Yanga, Yanga 3-2 Mashujaa, Yanga 5-0 Fountain Gate mchezo huu ulichezwa Uwanja wa KMC, Complex.
Yanga iliandika rekodi ya kuwa timu ya kwanza Bongo kupata ushindi mkubwa bila kuruhusu bao kwa kuwa timu ya kwanza kupata ushindi mkubwa ilikuwa ni Simba 5-2 Kagera Sugar, mchezo uliochezwa Uwanja wa Kaitaba.
Katika mechi nne, safu ya ushambuliaji ya Yanga ilifunga mabao 16 na safu ya ulinzi ikiruhusu mabao mawili pekee ilikuwa dhidi ya Mashujaa mchezo uliochezwa Uwanja wa KMC, Complex.
Fadlu Davids wa Simba huyu aliingia naye fainali ndani ya Desemba ambapo alikamilisha mzunguko wa kwanza akiwa namba moja na pointi 40 kibindoni baada ya kucheza jumla ya mechi 15 kwenye ligi safu ya ushambuliaji imefunga mabao 31 na ukuta umeruhusu mabao 5.
Rachid Taoussi wa Azam FC ni mechi 16 timu hiyo imecheza ikiwa nafasi ya tatu kwenye msimamo na pointi zao kibindoni ni 36 safu yao ya ushambuliaji imetupia mabao 25 na ukuta umeruhusu mabao 8.
Imeandikwa na Lunyamadzo Mlyuka, Mtunzi kitabu cha Ganzi ya Maumivu Kwenye Upendo, kukipata TUNAOMBA ODA 0756 028 371. Ni simulizi inayozungumzia maisha ya Kiafrika, usaliti, visa, furaha. Wakazi wa Njombe kitabu kinapatikana Mtaa wa Mpechi kwa Chris Jabari, Kigamboni kwa Tupokigwe, Posta karibu na Mnara wa Askari ukiwa unaelekea chuo cha IFM.
