NAHODHA Msaidizi wa Simba, Mohamed Hussein amesema kuwa wapo tayari kwa ajili ya mchezo wa kesho dhidi ya Nyassa Big Bullets unaotarajiwa kuchezwa Uwanja wa Mkapa.
Simba inayonolewa na Kocha Mkuu, Juma Mgunda itaingia uwanjani ikiwa na faida ya mabao 2-0 ambayo waliyapata ugenini na ina rekodi ya kutolewa na Jwaneng Galaxy Uwanja wa Mkapa licha ya kuongoza kwa mabao 2-0 mchezo wa kwanza walipocheza ugenini.
Hussein amesema wapo tayari kupambania malengo ya timu na wana amini kwamba wakishinda mchezo wa kesho watasonga mbele hatua inayofuata.
“Tunajua kwamba tukishinda mchezo wa kesho tunafungua ukurasa kuifuata hatua inayofuata na hili tunalihitaji kwa ajili ya kufikia malengo ya timu,” amesema.
Mabao kwenye mchezo uliopita wakiwa nchini Malawi yalifungwa na Moses Phiri pamoja na John Bocco.
