Timu za Arsenal, Real Madrid na Paris Saint-Germain zimefanikiwa kutinga hatua ya robo fainali ya UEFA Champions League baada ya kuonyesha ubora mkubwa katika michezo ya hatua ya 16 bora iliyopigwa usiku wa kuamkia leo.
PSG Waidhalilisha Chelsea kwa Mabao 3-0
Katika dimba la Stamford Bridge, Paris Saint-Germain waliendeleza ubabe wao kwa kuichapa Chelsea mabao 3-0, na kufuzu kwa jumla ya mabao 8-2.
Magoli ya PSG yalifungwa na:
-
Khvicha Kvaratskhelia dakika ya 6
-
Bradley Barcola dakika ya 14
-
Senny Mayulu dakika ya 62
Ushindi huo unaonyesha wazi dhamira ya PSG kutwaa taji hilo msimu huu.
Real Madrid Waiondoa Man City
Real Madrid waliendelea kuthibitisha ubora wao Ulaya baada ya kuifunga Manchester City mabao 2-1, na kufuzu kwa jumla ya mabao 5-1.
Licha ya City kupata bao kupitia Erling Haaland, nyota wa Madrid Vinícius Júnior aliibuka shujaa kwa kufunga mabao mawili muhimu, likiwemo la ushindi dakika za mwisho.
Kadi nyekundu ya Bernardo Silva iliathiri sana mipango ya Man City katika mchezo huo.
Arsenal Wamaliza Kazi Dhidi ya Leverkusen
Kwa upande mwingine, Arsenal waliendeleza kiwango chao bora baada ya kuifunga Bayer Leverkusen mabao 2-0, na kufuzu kwa jumla ya mabao 3-1.
Magoli ya Arsenal yalifungwa na:
-
Eberechi Eze dakika ya 36
-
Declan Rice dakika ya 63
Ushindi huo unaweka matumaini makubwa kwa Arsenal ambao wanatafuta mafanikio makubwa barani Ulaya.
FT: Chelsea 🏴 0-3 🇫🇷 PSG (Agg. 2-8)
⚽ 6′ Kvaratskhelia
⚽ 14′ Barcola
⚽ 62′ Mayulu
FT: Man City 🏴 1-2 🇪🇸 Real Madrid (Agg. 1-5)
🟥 21′ Silva
⚽ 40′ Haaland
⚽ 21′ Vinicius Junior
⚽ 90+3′ Vinicius Junior
FT: Arsenal 🏴 2-0 🇩🇪 Bayer Leverkusen (Agg. 3-1)
⚽ 36′ Eze
⚽ 63′ Rice
