Timu ya Arsenal imelazimishwa sare ya bao 1-1 na wenyeji Bayer Leverkusen katika mchezo wa hatua ya 16 bora ya UEFA Champions League uliochezwa nchini Ujerumani.
Kipindi cha kwanza cha mchezo huo kilimalizika bila timu yoyote kuona lango la mwenzake, huku pande zote zikionyesha ushindani mkubwa katika kutafuta bao la kuongoza.
Kipindi cha pili kilianza kwa kasi kwa wenyeji, ambapo kiungo wa Leverkusen Robert Andrich aliiandikia timu yake bao la kuongoza dakika ya 46, na kuwafanya mashabiki wa nyumbani kushangilia.
Hata hivyo, Arsenal hawakukata tamaa na waliendelea kushambulia wakitafuta bao la kusawazisha. Juhudi zao zilizaa matunda dakika za mwisho za mchezo baada ya mshambuliaji Kai Havertz kufunga bao la penati dakika ya 89, na kuihakikishia timu yake sare muhimu ugenini.
Matokeo hayo yanaifanya Arsenal kupata matumaini kabla ya mchezo wa marudiano, huku Leverkusen wakijuta kushindwa kulinda uongozi wao hadi mwisho wa mchezo.
Matokeo ya Mwisho (FT):
Bayer Leverkusen 1-1 Arsenal
⚽ 46’ Andrich
⚽ 89’ Havertz (P) ⚽
