YANGA NDANI YA AFRIKA KUSINI

MSAFARA wa Yanga ukiwa na jumla ya wachezaji 26 miongoni mwao akiwemo Mudhathir Yahya, Jonas Mkude, Clement Mzize, Pacome, Yao umewasili salama nchini Afrika Kusini.

Timu ya Yanga inayonolewa na Kocha Mkuu, Miguel Gamondi imepokelewa na balozi wa Tanzania nchini Afrika Kusini, James Bwanà.

Aprili 5 2024 Yanga ina kibarua cha kusaka ushindi katika mchezo wa mkondo wa pili Ligi ya Mabingwa Afrika baada ya ule uliochezwa Machi 30 ubao wa Uwanja wa Mkapa kusoma Yanga 0-0 Mamelodi Sundowns.

Ikumbukwe kwamba kwenye mchezo uliochezwa Uwanja wa Mapa, Machi 30 ubao ulisoma Yanga 0-0 Mamelodi hivyo bado kuna nafasi kwa Yanga kutinga hatua ya nusu fainali ikiwa itashinda kwa kuwa mchezo bado upo wazi.

Gamondi ameweka wazi kwamba wanatambua utakuwa ni mchezo mgumu lakini wapo tayari kwa ajili ya kupata matokeo mazuri.

“Tunatambua utakuwa mchezo mgumu lakini tupo tayari ili kupata matokeo kwenye mchezo wetu huo ambao utakuwa ni mgumu,”.