JEMBE jipya la Yanga Kennedy Musonda limeanza matizi ndani ya kikosi kwa ajili ya maandalizi ya mechi za msimu wa 2022/23.
Nyota huyo ametambulishwa rasmi ndani ya kikosi hicho kinachonolewa na Kocha Mkuu, Nasreddine Nabi.
Ilikuwa ni Januari 13 nyota huyo ambaye ni mshambuliaji alitambulishwa na Rais wa Yanga, Injinia Hersi Said.
Raia huyo wa Zambia ni mshambuliaji kapewa dili la miaka miwili kwa ajili ya kuitumikia timu ya Yanga inayoongoza ligi ikiwa na pointi 50 kibindoni.
Kajiunga na Yanga akitokea Klabu ya Power Dynamos ya Zambia ambapo tayari ametua nchini usiku wa Januari 14 na leo Januari 15 ameanza mazoezi na wachezaji wenzake.
Anaungana na mastaa wengine kwenye safu ya ushambuliaji ikiwa ni pamoja na Fiston Mayele mwenye mabao 14, Clement Mzize ambaye ni mshambuliaji chipukizi.
