WIDDEN Daphet, Kocha wa Njombe Mji amesema kuwa walishindwa kutumia nafasi ambazo walizipata jana katika mchezo wa hatua ya 8 bora.
Huo ulikuwa ni mchezo wa kwanza wa kundi A katika fainali za First League huko Mwanza.
Daphet amesema:”Tulishindwa kupata ushindi kwa kuwa hatukutumia nafasi ambazo tulizipata kwenye mchezo wetu.
“Lakini bado tuna nafasi katika mechi zijazo tutafanyia kazi makosa yetu ambayo tumeyafanya,”.
Alliance ilishinda mabao 2-0 Njombe Mji na Tunduru Korosho iliambulia kichapo cha mabao 3-1 dhidi ya Rhino Rangers.
Kundi A vinara ni Rhino Rangers huku Alliance ikiwa nafasi ya pili zote zina pointi tatu na Tunduru Korosho ipo nafasi ya tatu huku Njombe Mji nafasi ya nne na hazina pointi.
