JS Kabyllie 0-0 Yanga SC, CAF Champions League

JS Kabyllie 0-0 Yanga SC ni matokeo ya mchezo wa CAF Champions League group stage Novemba 28,2025 kwa kundi B.

Mchezo huo umechezwa Uwanja wa Hocine Ait Ahmed, Ijumaa kwa wababe hao kuwa katika msako wa pointi tatu.

Licha ya majaribio ambayo yalifanyika mara kwa mara kwa kila upande bado milango ilikuwa migumu kwa pande zote mbili.

Kipa wa Yanga SC, Djigui Diara alifanya kazi yake kwa umakini kwenye kutimiza majukumu akishirikiana na sau ya ulinzi iliyokuwa na Dickson Job, Ibrahim Bacca kwenye kulinda ngome yao.

Miongoni mwa hatari ambazo wapinzani JS Kabylie walifanya ilikuwa ni kwenye dakika ya 90 ambapo Diarra aliokoa na mwisho Yanga SC ikavuna pointi moja ugenini.

Matokeo hayo yanaifanya Yanga SC kuwa nafasi ya pili na pointi zake ni nne sawa na Al Ahly inayoongoza kundi wakitofautiana kwenye idadi ya mabao ya kufunga na kufungwa.

Al Ahly kwenye mchezo wake Novemba 28,2025 ilipata pointi moja dhidi ya AS Far Rabat kwa kutoshana nguvu baada ya kufungana bao 1-1 katika dakika 90 za mchezo.

***

Imeandikwa na Lunyamadzo Mlyuka, Mtunzi kitabu cha Ganzi ya Maumivu Kwenye Upendo na Moyo Wangu Unavuja Damu.  Kuvipata TUNAOMBA ODA 0756 028 371.

Ganzi ya Maumivu Kwenye Upendo ni simulizi inayozungumzia maisha ya Kiafrika, usaliti, visa, furaha. Wakazi wa Njombe kitabu kinapatikana Mtaa wa Mpechi kwa Chris Jabari, Kigamboni kwa Tupokigwe, Posta karibu na Mnara wa Askari ukiwa unaelekea chuo cha IFM. Kuna kazi mpya inaandaliwa inaitwa Msichana wa Maisha Yangu, jiandae kuipata.