MPANGO wa Azam FC kwenye mechi za kimataifa umegotea Uwanja wa Azam Complex licha ya ushindi wa mabao 2-0 dhidi ya Al Khadar ya Libya.
Timu hiyo imeondolewa kwenye Kombe la Shirikisho kwa jumla ya mabao 3-2 kwa kuwa mchezo wa kwanza uliochezwa ugenini Azam FC ilipoteza kwa kufungwa mabao 3-0 na jana ilikuwa inahitaji ushindi wa mabao 4-0 ili kusonga mbele kimataifa.
Bao la mapema la Idris Mbombo dakika ya 28 liliwafanya waende mapumziko wakiwa mbele kwa bao hilo na kipindi cha pili nyota wa Al Akhadar Ededen Essien alijifunga dakika ya 59 kwenye harakati za kuokoa pigo la Ayoub Lyanga.
Matajiri hao wa Dar sasa wanajipanga kwa ajili ya mechi za Ligi Kuu Bara pamoja na Kombe la FA baada ya kumaliza mwendo kwenye anga za kimataifa kwa msimu wa 2022/23.
Pia Kipanga FC ya Zanzibar nayo imemaliza mwendo kwa kupoteza ugenini kwa kufungwa mabao 7-0 dhidi ya Club Africain hivyo nao pia safari yao imegota mwisho.
Kwenye mchezo wa kwanza walitoshana nguvu bila kufungana na mchezo wa pili Kipanga wamepoteza.
