FC Barcelona imeendelea kung’ara kwenye LaLiga baada ya kuibuka na ushindi wa 3-1 dhidi ya Deportivo Alaves katika mchezo uliopigwa kwenye Uwanja wa New Spotify Camp Nou.
Kwa ushindi huo, Barca imefikisha alama 34 baada ya mechi 14, na kupanda kileleni mwa msimamo wa ligi ikiwa alama mbili mbele ya Real Madrid, ambao wana mchezo mmoja mkononi.
Chipukizi anayewaka moto, Lamine Yamal, ndiye aliyefungua ukurasa wa mabao dakika ya 8 akimalizia pasi safi ya Robert Lewandowski.
Dakika ya 29, Dani Olmo aliiongezea Barca bao la pili baada ya kumalizia krosi ya Raphinha.
Alaves walijipatia nafasi kadhaa lakini Barcelona walisalia imara, kabla Olmo kufunga bao la tatu dakika ya 90+3, safari hii akipokea pasi ya Yamal na kuzima kabisa matumaini ya wageni.
Matokeo Kamili
FT: Barcelona 3–1 Alaves
⚽ 08’ Yamal (🅰️ Lewandowski)
⚽ 29’ Olmo (🅰️ Raphinha)
⚽ 90+3’ Olmo (🅰️ Yamal)
