WALTER Harrison, Meneja wa Yanga amesema kuwa maandalizi kuelekea mchezo wao wa Kagera Sugar unaotarajiwa kuchezwa Uwanja wa KMC, Complex yapo tayari na wanaendelea kufanya kwa umakini mkubwa.
Huo utakuwa ni mchezo wa pili kwa wababe hawa kukutana ndani ya ligi kwa kuwa katika mzunguko wa kwanza kwenye mchezo uliochezwa Uwanja wa Kaitaba baada ya dakika 90 ubao ulisoma Kagera Sugar 0-2 Yanga.
Mabao ya Yanga yalifungwa na Maxi Nzengeli ambaye anashikilia rekodi ya kuwa mfungaji wa kwanza ndani ya Yanga msimu wa 2024/25 na bao la pili lilifungwa na Clement Mzize ilikuwa zama za Kocha Mkuu, Miguel Gamondi.
Kwa sasa Yanga inanolewa na Kocha Mkuu, Sead Ramovic ambaye mchezo wake uliopita ilikuwa ni CRDB Federation Cup baada ya dakika 90 ubao wa Uwanja wa KMC Complex ulisoma Yanga 5-0 Copco.
Harison amesema nguvu kubwa kwa sasa ni kwenye mechi zilizopo mbele kwa kuwa wanatambua kazi ipo kila siku hasa kutokana na ushindani uliopo.
“Kuna ushindani mkubwa na tunafanya maandalizi mazuri kwa ajili ya kupata matokeo kwenye mechi zetu zijazo ikiwa ni pamoja na mchezo wetu dhidi ya Kagera Sugar, Februari Mosi, tupo tayari na maandalizi yapo vizuri.”
Imeandikwa na Lunyamadzo Mlyuka, Mtunzi kitabu cha Ganzi ya Maumivu Kwenye Upendo, kukipata TUNAOMBA ODA 0756 028 371. Ni simulizi inayozungumzia maisha ya Kiafrika, usaliti, visa, furaha. Wakazi wa Njombe kitabu kinapatikana Mtaa wa Mpechi kwa Chris Jabari, Kigamboni kwa Tupokigwe, Posta karibu na Mnara wa Askari ukiwa unaelekea chuo cha IFM.
