KIUNGO mshambuliaji wa Simba, Awesu Awesu amesema kuwa wanatambua mchezo wao dhidi ya Tabora United utakuwa na ushindani mkubwa lakini watacheza kama fainali kupata ushindi.
Kikosi cha Simba kinachonolewa na Kocha Mkuu, Fadlu Davids baada ya kucheza mechi 15 za ligi ni pointi 40 kimekusanya kibindoni huku kikipoteza mchezo mmoja ilikuwa dhidi ya Yanga uliochezwa Uwanja wa Mkapa.
Simba iligawana pointi mojamoja na Coastal Union ya Tanga kwenye mchezo uliochezwa Uwanja wa KMC Complex baada ya dakika 90 ubao ulisoma Simba 2-2 Coastal Union kituo kinachofuata kwenye ligi ni ugenini dhidi ya Tabora United.
Ikumbukwe kwamba Tabora United ilipata ushindi kwenye mechi za wababe wawili walio ndani ya tatu bora, Yanga 1-3 Tabora United na Tabora United 2-1 Azam FC.
Awesu amesema kuwa wanatambua mchezo hu oni muhimu hivyo wanaingia kwa tahadhari wakiwaheshimu wapinzani wao hao ambao wamekuwa wakipata matokeo kwenye mechi kubwa.
“Tunatambua mchezo hautakuwa mwepesi kulingana na wapinzani kuwa na mwendo mzuri na kupata matokeo kwenye mechi zao ngumu, hakuna namna tupo tayari na tutaingia kwenye mchezo huo kama fainali lengo ikiwa ni kupata pointi tatu muhimu.”
Imeandikwa na Lunyamadzo Mlyuka, Mtunzi kitabu cha Ganzi ya Maumivu Kwenye Upendo, kukipata TUNAOMBA ODA 0756 028 371. Ni simulizi inayozungumzia maisha ya Kiafrika, usaliti, visa, furaha. Wakazi wa Njombe kitabu kinapatikana Mtaa wa Mpechi kwa Chris Jabari, Kigamboni kwa Tupokigwe, Posta karibu na Mnara wa Askari ukiwa unaelekea chuo cha IFM.
