GUSA ACHIA YA YANGA BALAA ZITO, MZIZE KWENYE RAMANI

GUSA achia twende kwao ya Yanga inayonolewa na Kocha Mkuu, Sead Ramovic ina balaa zito baada ya pointi tatu kubaki Uwanja wa Mkapa huku mshambuliaji Clement Mzize akifunga moja ya bao kali ambalo limeandika rekodi yake kwa msimu wa 2024/25.

Kwenye mchezo huo uliochezwa Januari 4 2025 Yanga walianza kufungwa ila wakaweka usawa kupitia kwa Mzize akitumia pasi ya Boka aliyesababisha penalti katika harakati za kuokoa hatari kuelekea kwa Djigui Diarra.

Mzize ambaye alikuwa ni nyota wa mchezo alitupia mabao mawili dakika ya 33 na 60 na bao moja lilifungwa na Stephan Azizi Ki dakika ya 56.

Bao pekee la TP Mazembe lilifungwa na Alioune Faty dakika ya 16 kwa mkwaju wa penalti iliyomshinda Djigui Diarra.

Yanga inafikisha pointi nne katika hatua ya makundi baada ya kucheza mechi nne ikiwa nafasi ya tatu kwenye msimamo na TP Mazembe inabaki na pointi mbili nafasi ya nne hivyo kete zake mbili inasaka pointi sita kutinga hatua ya robo fainali.

Mziz e amesema kuwa ni furaha kubwa kuona wanapata matokeo wakiwa nyumbani kwenye mchezo mgumu ambao ulikuwa unahitajika ushindi pekee.

“Ulikuwa ni mchezo mgumu na ambacho kilikuwa kinahitajika ni matokeo ya ushindi pekee jambo ambalo tumelifanyia kazi na kupata matokeo mazuri asante kwa mashabiki ambao wamejitokeza kwa ajili ya kuona tunapata ushindi.”.

Kutokana na furaha ya mashabiki na uongozi Januari 5 ilikuwa ni Gusa Achia Twende Dukani kwa Mzize walinunua nguo kwa fujo ikiwa ni rekodi ya kwanza kwa mauzo kuwa juu kwa nyota huyo ndani ya siku moja pale Sinza, Makaburini.

Imeandikwa na Lunyamadzo Mlyuka, Mtunzi kitabu cha Ganzi ya Maumivu Kwenye Upendo, kukipata TUNAOMBA ODA 0756 028 371. Ni simulizi inayozungumzia maisha ya Kiafrika, usaliti, visa, furaha. Wakazi wa Njombe kitabu kinapatikana Mtaa wa Mpechi kwa Chris Jabari, Kigamboni kwa Tupokigwe, Posta karibu na Mnara wa Askari ukiwa unaelekea chuo cha IFM.