MWAMBA Willy Onana hatakuwa ndani ya kikosi cha Simba msimu wa 2024/25 baada ya kukutana na Thank You jioni kabisa kutoka kwa waajiri wake hao.
Ipo wazi kwamba Onana anashikilia rekodi ya kuwa mfungaji wa mwisho msimu wa 2023/24 alifanya hivyo katika mchezo dhidi ya JKT Tanzania uliochezwa Uwanja wa Mkapa ambao ulikuwa ni wa mzunguko wa pili.
Ni yeye pia alisababisha penalti iliyofungwa na kiungo mshambuliaji Saido Ntibanzokiza ambaye naye pia alipewa Thank You ndani ya kikosi cha Simba.
Onana ni mabao manne alifunga katika Ligi Kuu Bara na pasi mbili za mabao alitoa katika mechi 18 ambazo alicheza alikomba dakika 643.
Rekodi zinaonyesha kuwa mchezo pekee ambao Onana alicheza katika kiwango bora ni dhidi ya Wydad Casablanca alipotumia dakika 60 uwanjani na kufunga mabao mawili.
Ilikuwa Desemba 19 2023 alifunga dakika ya 36 na 37 akiandika rekodi ya kufunga mabao mawili ndani ya dakika moja katika anga la kimataifa na Simba iligotea hatua ya robo fainali kakutana na Thank You Agosti 15.
Katika mabao manne aliyofunga moja alifunga dhidi ya Coastal Union ya Tanga ilikuwa dakika ya 72 akiwa ndani ya 18 kwa pasi ya maelekezo kutoka kwa Clatous Chama ilikuwa ni Machi 9 2024.
