JUMA Mgunda, Kocha Mkuu wa Simba amesema kuwa wamechukua maandalizi yote muhimu kuikabili Azam FC kwenye mchezo wa ligi unaotarajiwa kuchezwa kesho.
Mgunda amesema kuwa anatambua uimara wa Azam FC pamoja na benchi lao la ufundi jambo ambalo linawafanya wawe makini.
Kesho Simba itakaribishwa na Azam FC ambapo hakuna timu iliyotoka kuvuna pointi tatu kwenye mechi ya ligi waliyocheza.
Simba waliambulia pointi moja dhidi ya Yanga kwa sare ya kufungana bao 1-1 huku Azam FC ikiambulia kichapo cha mabao 2-1 dhidi ya KMC.
“Hakuna ambaye hajui kuhusu uimara wa Azam FC tunawaheshimu wapinzani wetu na maandalizi yote muhimu tumeyachukua.
“Kikubwa ni kuona kwamba kila mmoja anatimiza majukumu yake na tunaomba mashabiki wajitokeze kwa wingi kwenye mchezo wetu dhidi ya Azam FC,” amesema.
