KOCHA Msaidizi wa Geita Gold, Mathias Wandiba ameweka wazi kuwa makosa ambayo waliyafanya kwenye mchezo wa kwanza wameyafanyia kazi leo watayarekebisha.
Jana Septemba 16, 2022 Geita Gold ilifanya mazoezi ya mwisho katika Uwanja wa Azam Complex kujiweka sawa na mchezo wa Kombe la Shirikisho Afrika dhidi ya Hilal Al Sahil.
Kwenye mchezo wa kwanza wakiwa ugenini, Geita Gold ilipoteza kwa kufungwa bao 1-0 ugenini jambo ambalo limeongeza ushindani kwenye mchezo wa pili kwa kila timu kusaka tiketi ya kusonga mbele.
Kocha huyo amesema:”Maandalizi yapo vizuri na makosa ambayo tumefanya kwenye mchezo uliopita tumeyafanyia kazi, kikubwa ni kuona tunapata ushindi kwa mechi yetu dhidi yao,” amesema.
Leo Septemba 17 mchezo huo unatarajiwa kuchezwa Uwanja wa Azam Complex, saa 1:00 usiku.
